OʻTTIZ BIRINCHI MAKTUBNING OʻN BIRINCHI YOGʻDUSINING OʻTTIZ BIR MASALASIDAN BIR MASALA

Birgina jumla boʻlgan qisqacha bir hadisning besh lam'a-i i'joziyasiga doir bir nuktadir. Bu yerga bir munosabat bilan kirgan. اَلْخِلاَفَةُ بَعْدِى ثَلَثُونَ سَنَةً Hadisi Sharifning gʻaybiy xabar navidan tarixda tasdiqlangan besh lam'a-i i'joziyasi bor.

Birinchisi: Xulafoyi Roshidinning (ilk toʻrt xalifaning) xalifaliklari bilan Hazrat Hasan Roziyallohu Anhning olti oylik xalifaligining muddati oʻttiz yil boʻlishini xabar beradi. Aynan chiqqan.

Ikkinchisi: Oʻttiz yillik xalifalari boʻlgan Hazrati Abu Bakr Roziyallohu Anh, Hazrati Umar Roziyallohu Anh, Hazrati Usmon Roziyallohu Anh va Hazrati Ali Roziyallohu Anhning abjadiy va jifriy hisoblari ming uch yuz yigirma olti (1326) boʻladiki, u tarixdan soʻng xalifalik sharoiti ortiq takrorlanmadi. Xilofati Oliya-i Usmoniya tugadi.

Uchinchisi: ثَلَثُونَ kalimasi, jifr hisobi bir ming sakson yetti (1087) boʻladiki, tarixda Abbosiylar xalifaligining inqirozi bilan Usmoniylar xalifaligining takrorlanishiga qadar boʻlgan zamoni fatrat tashlab oʻtilsa, bir ming sakson ortiqchasi bilan qoladi. Agar noqis xalifaliklar sanalsa ثَلَثُونَ سَنَةً dagi "sana" lafzi ilova boʻladi. U holda bir ming ikki yuz ikki (1202) boʻladiki, "Rumuzoti Samoniya-i Qur'oniya Risolalari"da ham اِنَّا فَتَحْنَالَكَ ham Fotiha, ham Sura-i Nasr, ham Sura-i Alaq kabi koʻp yerlarda aynan xalifalik bilan barobar Davlati Islomiyaning ham taraqqiy, ham gʻolibiyat davri boʻlgan bir ming ikki yuz ikki (1202) tarixini koʻrsatadi. Ham noqis xalifalik bilan barobar butun Islom xalifaligi muddati bir ming ikki yuz ikkidirki (1202), batamom tavofuq bilan xabar beradi.

وَاِنِ اسْتَقَامَتْ اُمَّتِى فَلَهَا يَوْمٌ وَاِلاَّ فَنِصْفُ يَوْمٍ Hadisining moʻ'jizona gʻaybiy xabarini izoh qiladi. Ya'ni, bu Hadis qiyomatdan emas, balki gʻolibona Islomiyatning hokimiyatidan xabar bergan "Oʻn Sakkizinchi Yogʻdu"da va boshqa yerda bu hadisning uch lam'a-i i'joziyasini bayon qilganidan, bu yerda tugatamiz.

Toʻrtinchisi: اِنَّ اَلْخِلاَفَةَ بَعْدِى oxirigacha... Shaddali اِنَّ bir yuz bir (101) اَلْخِلاَفَةَ bir ming bir yuz qirq bir (1141), بَعْدِى sakson olti boʻladi. Jami: Arabchada bir ming uch yuz yigirma sakkiz (1328) boʻladi va Rumiyda bir ming uch yuz yigirma oltidirki (1326), xulafoyi Roshidiynning ismlarini ikkinchi jihatda koʻrsatgan ayni tarixga va hurriyatning uchinchi yilidagi halifalik toʻxtashining tarixiga batamom tavofugʻi, albatta u lison-ul-gʻayb boʻlgan Zotning lisonida tasodifiy boʻlolmaydi; balki uni ham koʻrgan, unga ham ishora qilgan.

Beshinchisi: اِنَّ اَلْخِلاَفَةَ shaddali nun bir nun sanalsa, bir ming bir yuz toʻqson ikki (1192) boʻladiki, aynan ثَلَثُونَ سَنَةً jumlasi koʻrsatgani kabi, bir ming ikki yuz ikki tarixiga oʻn farq bilan tom tavofuq qilib tom va noqis barcha xalifalik muddatini koʻrsatishi va yolgʻiz "xalifalik" kalimasi bir ming bir yuz oʻn bir (1111) boʻlib, tom xalifalikning muddatiga tom tavofuq bilan barobar oʻsha muddatga ishora qiladi. ثَلَثُونَ kalimasining jifriy hisobi boʻlgan bir ming sakson yetti (1087) adadiga, yigirma toʻrt kabi juz'iy bir farq bilan mos boʻlishi, albatta va har holda u Muxbiri Gʻaybiyning bir ishorati gʻaybiyasi va bir navi moʻ'jizoti gʻaybiyasining bir lam'asidir.

Xullas bu qisqacha Hadisning jome'iyatiga boshqa javomi-ul-kalim boʻlgan Hadislar qiyos qilinsin...