[Madina-i Munavvarada boʻlgan muhim bir olimning Risola-i Nur haqida yozgan bir manzumasidir.]
Koʻngillar Fotihi Buyuk Ustozga
Nuri ila butun koʻnglimni fath aylagan ustoz
Koʻnglim sizni, qudsiy hayajonlar ila etar yod
Ilhomimga jon keldi baroat xabaring ila
Moʻ'minlarni shod aylagan yuksak zafaring ila
Shilindi ufuqlardan u zim-ziyo bulutlar
Koʻklarda malaklar, bu buyuk bayramni qutlar
Millionlarning iymonini qutqardi jihoding
Gur-gur yonar iymonli koʻngillardagi yoding
Joʻshtirmoqda iymonlarni, minglab vajizang
Tarixini qudsiy hayajonlar bilan suzarkan
Ilhomimni mast etdi tajallo-i jamoling
"Fotih" kabi rahbarlarni eslatmoqda holing
Togʻlar kabi tebranmading eng qoʻrquvli kunlarda
Har oniy oʻlimlar toʻla tazyiqning oʻngida
Dunyolarga dahshat soladi sendagi iymon
Metin iymoningga dushman ham hayron
Rahbar senga zero "Ulugʻ Paygʻambarimiz"dir
Oʻlmas asaring: Yoshlarga koʻrsatganing izdir
Qur'oni Karimning azaliy fayziga yetding
Insoniyatga iymon va kamol darsini berding
Ey boshlarga Jannatlarning ufqidan tushgan toj
Olam sening irfoningga, irshodingga muhtoj
Daryo kabi nurlar tashiydi har asaridan
"Alloh"ga ketgan Nurchilarning rahbarisan sen
Millionlarni daryo kabi joʻshtirmoqda "Soʻzlar"
Jannatdagi olamlarni sayr etmoqda koʻzlar
Hikmat toʻla har jumlada, Qur'ondagi nur bor
Har lam'ada ming bir quyoshning shu'lasi joʻsh urar
"Nur yoʻlchisi" insoniyatga oʻrnak boʻlajakdir
Qudsiy hayajonlar ila koʻngillar toʻlajakdir
Mafkurasi kundan kunga yetishganda kamolga
Gʻarq boʻlmoqda ich olami, eng shirin visolga
Joʻshganda dengizlar kabi qalbidagi iymon
Ming darsi haqiqat beradi ruhiga Qur'on
Erkindir Islomni oʻragan tahlikalardan
Davosi toza chunki siyosiy dogʻlardan
Har hamlasining quvva-i qudsiyasi bordir
Vijdonlarni mast aylagan ulviy ovozi bordir
Ishqning azaliy siriga yetishdikcha koʻngillar
Yer-yer bezatar ufqini savdo toʻla ranglar
Bir oʻlkani boshdan oxir fath aylading, ey Nur
Nuring boʻlajakdir butun insoniyatga dastur
Qur'on seni dastaklaydi moʻ'jizalar ila
Ey shonli koʻngil fotihi hech turmasdan oldinla
Tarixi hayoting toʻladir horiqolar ila
Hech soʻnmasdan olamda quyoshlar kabi porla
Manzuma-i Shamsiyani tamsil etyapsan
Haybatli fazolarda tezlik olib ketyapsan
Iymonli nasllar seni ta'qib etajakdir
Yillarcha, asrlarcha orqangdan ketajakdir
Tarixni osharkan sen u iymon toʻla tezlik ila
Millionlarni oshgan butun avlodlaringiz ila
Birdan ochilar ruhimga asrorli bir olam
Vasf eta olmas ishqimni she'rimdagi nolam!
[Bu maktub oʻn ikki yil avval yozilgan va Sikka-i Tasdiqi Gʻaybiy majmuasida kiritilgan bir maktubdan bir parchadir.
Bu maktub Risola-i Nurning bu vatan va millatga qozontirgan buyuk va juda muqaddas ikki natijani bayon etishi, filhaqiqa aynan bu ikki natijaning tazohuri va bu mamlakatda va olami Islomda koʻrilgani sababli juda ahamiyatlidir.]
Risola-i Nur bu muborak vatanning ma'naviy bir xaloskori boʻlgani uchun hozir ikki dahshatli ma'naviy baloni daf qilish uchun matbuot olami bilan tazohurhni boshlash, dars berish zamoni keldi yoki keladi deb oʻylayman.
U dahshatli baloning biri: Xristian Dinini magʻlub qilgan va anarxistlikni yetishtirgan, shimolda chiqqan dahshatli dinsizlik jarayoni bu vatanni ma'naviy istilosiga qarshi Risola-i Nur bir saddi Zulqarnayn kabi bir saddi Qur'oniy vazifasini bajaradi.
Ikkinchisi: Olami Islomning bu muborak vatanning aholisiga qarshi juda shiddatli e'tiroz va ittihomlarini izola etish uchun matbuot lisoni bilan gapirish lozim kelgan deya qalbimga ixtor etildi.
Men dunyoning holini bilmayman, faqat Ovrupada istilokorona hukm qilgan va adyoni samoviyaga tayanmagan dahshatli jarayonning istilosiga qarshi Risola-i Nur haqiqatlari bir qal'a boʻlgani kabi, olami Islomning va Osiyo Qit'asining holi hozirdagi e'tiroz va ittihomini izola va eskidagi muhabbat va uxuvvatini qaytarishga vasila boʻlgan bir moʻ'jiza-i Qur'oniyadir.
Bu mamlakatning vatanparvar siyosiylari tez aqlini boshiga olib Risola-i Nurni chop etib rasman nashr etishlari lozimki, bu ikki baloga qarshi qalqon boʻlsin.
Ajabo, bu yigirma yil mobaynida iymoni tahqiqiyni juda quvvatli bir suratda bu vatanda nashr etgan Risola-i Nur boʻlmasaydi; bu dahshatli asrda, ajib inqilob va infiloqlarda bu muborak vatan Qur'onini va iymonini dahshatli zarbalardan toʻliq muhofaza qila olarmidi?