— 227 —
اوتوز اوچ أحاديث شريفه
— 228 —
استاديمز بديع الزمان سعيد النورسى حضرتلرى اچونجى دفعه گيرديگى آفيون مدرسهِٔ يوسفيهسنده شو گلن ٣٣ أحديثِ شريفهيى كندى أوراد دفترنده يازمش، بالآخره بعض نور طلبهلرى ده كندى دفترلرنده قيد ايتمشلر. بونلرڭ بعضلرينى استاديمز كندى قلميله تصحيح ايدوب بعض عربى و توركجه حاشيهلر علاوه ايتمشدر.
رسالهِٔ نورڭ طلبهِٔ علوم شرفنى قزانديران و علم ايچنده حقيقته بر يول آچان مسلگنى بو حديثِ شريفلر بيان ايتمكدهدرلر. بو حقيقتى افاده ايچون مرحوم معلّا استاديمز اميرطاغ - ١ ص: ١٠٨ ده:
"أهل ولايتڭ عمل و عبادت و سلوك و رياضت ايله گورديگى حقيقتلر و پردهلر آرقهسنده مشاهده ايتدكلرى حقائقِ ايمانيه، عينًا اونلر گبى رسالهِٔ نور عبادت يرنده علم ايچنده حقيقته بر يول آچمش، سلوك و أوراد يرنده منطقى برهانلرله علمى حجّتلر ايچنده حقيقة الحقائقه يول آچمش و علمِ تصوّف و طريقت يرنده طوغريدن طوغرىيه علمِ كلام ايچنده و علم عقيده و اصول الدين ايچنده بر ولايتِ كبرا يولنى آچمش كه؛ بو عصرڭ حقيقت و طريقت جريانلرينه غلبه چالان فلسفى ضلالتلره غلبه ايدييور." دييه بيان بيورمشلردر.
مصطفى صونغور
— 229 —
اتوز اوچ احاديثِ شريفه
١ - تَعَلَّمُوا الْعِلْمَ فَاِنَّ تَعْلِيمَهُ لِلّٰهِ خَشْيَةٌ وَ طَلَبُهُ عِبَادَةٌ وَ مُذَاكَرَتُهُ تَسْبِيحٌ وَ الْبَحْثُ عَنْهُ جِهَادٌ ٭
(٭) توركجه مئاللرى، پك عجله و مختصر بر طرزده، قارداشمز عبدالقادر بادللى طرفندن قلمه آلينمشدر.
مئالى:
علمى اوگرهنڭز. چونكه، اونڭ اوگرهنيلمهسى اللّٰهه قارشى خشيتدر، طلبى عبادتدر، مذاكرهسى تسبيحدر، اوندن بحث ايسه جهاددر.
٢ - سَاعَةُ عَالِمٍ يَتَّكِىءُ عَلٰى فِرَاشِهِ يَنْظُرُ فِى عِلْمِهِ خَيْرٌ مِنْ عِبَادَةِ سَبْعِينَ سَاعَةً ٭
مئالى:
بر عالمڭ، ياتاغنه ياصلانارق علمنه (كتابنه) بر ساعت باقماسى، يتمش ساعت عبادتدن خيرليدر.
— 230 —
٣ - طَالِبُ الْعِلْمُ طَالِبُ الرَّحْمَانِ، طَالِبُ الْعِلْمِ رُكْنُ الْاِسْلَامِ وَ يُعْطٰى اَجْرُهُ مَعَ النَّبِيِّينَ٭
مئالى:
علمڭ طالبى (طلبهسى)، رحمانڭ طاليبدر. علمڭ طلبجيسى اسلامڭ ركنيدر. اونڭ أجر و مكافاتى، پيغمبرلرله برابر ويريلير.
٤ - طَلَبُ الْعِلْمِ اَفْضَلُ عِنْدَ اللّٰهِ مِنَ الصَّلَاةِ وَ الصِّيَامِ وَ الْحَجِّ وَ الْجِهَادِ فِى سَبِيلِ اللّٰهِ ٭
مئالى:
علم طلب ايتمك، اللّٰهڭ قاتنده (نافله) نماز، اوروج و حجدن و فى سبيل اللّٰه اولان جهاددن أفضلدر.
٥ - عَالِمٌ يُنْتَفَعُ بِعِلْمِهِ خَيْرٌ مِنْ اَلْفِ عَابِدٍ ٭
مئالى:
علمندن منفعت گورولن بر عالم، بيڭ عابددن خيرليدر.
٦ - وَيْلٌ لِمَنْ طَلَبَ الدُّنْيَا بِالدِّينِ ٭
مئالى:
دين ايله دنيايى طلب ايدنلره ويل اولسون.
— 231 —
٧ - كَلِمَةُ حِكْمَةٍ يَسْمَعُهَا الرَّجُلُ قَدْ يَكُونُ خَيْرًا لَهُ مِنْ عِبَادَةِ سَنَةٍ وَ جُلُوسُ سَاعَةً عِنْدَ مُذَاكَرَةِ الْعِلْمِ خَيْرٌ مِنْ عِتْقِ رَقَبَةٍ ٭
مئالى:
بر آدمڭ، بر حكمت كلمسنى ايشيتمهسى، طويماسى بعضًا اولور كه، اوڭا بر سنه عبادتدن خيرلى اولور. و بر ساعت علم مذاكرهسى ياننده اوطورمق، بر كوله آزاد ايتمكدن داها خيرليدر.
٨ - لَاَنْ يَهْدِى اللّٰهُ عَلٰى يَدَيْكَ رَجُلًا خَيْرٌ لَكَ مِمَّا طَلَعَتْ عَلَيْهِ الشَّمْسُ ٭
مئالى:
جناب حق بر آدمى سنڭ ألڭله (واسطهڭله) هدايته گتيرمهسى، گونشڭ اوزرينه طوغديغي هر شيدن داها چوق سڭا خيرليدر.
— 232 —
٩ - لَنْ يَجْمَعَ اللّٰهُ عَلٰى هٰذِهِ الْاُمَّةِ (٭) سَيْفَ الدَّجَّالِ وَ سَيْفَ الْمَلْحَمَةِ ٭
(٭) ملحمهِٔ كبرا اولان ايكنجى حربِ عمومى عالمِ اسلامى خيرپالامديغى اشارتيله؛ اسلاملر ايچنده بر دجّال عالمِ اسلامى باشقه بر طرزده خيرپالايهجق.
سعيد النورسى
مئالى:
جناب اللّٰه شو اُمّتڭ (امّت محمّد (عصم)) اوستنده هم دجّالڭ قلنجنى، هم ده بيوك حرب قلنجنى برابر جمع ايتميهجكدر.
١٠ - لَنْ تَزَالَ الْخِلَافَةُ فِى وِلْدِ عَمِّى صِنْوِ اَبِى الْعَبَّاسِ حَتّٰى يُسَلِّمُوهَا اِلَى الدَّجَّالِ٭
مئالى:
خلافت (خلافتِ اسلاميه)، بابامڭ قارداشى عموجهم عبّاسڭ اوغللرندن، تا اونى دجاله تسليم ايدنجهيه قدر زائل اولميهجق.
— 233 —
١١ - لَوْ وُزِنَ مِدَادُ الْعُلَمَاءِ وَ دَمُ الشُّهَدَاءِ لَرُجِّحَ مِدَادُ الْعُلَمَاءِ عَلٰى دَمِ الشُّهَدَاءِ ٭
مئالى:
علمانڭ مركّبيله، شهدا قانى موازنه ايديلسه؛ محقّق كه، اللّٰه ياننده علمانڭ مركّبى، شهدانڭ قانندن راجح گلهجكدر.
١٢ - لَيْسَ الشَّدِيدُ الَّذِى يَغْلِبُ النَّاسَ وَلٰكِنَّ الشَّدِيدَ الَّذِى يَغْلِبُ نَفْسَهُ عِنْدَ الْغَضَبِ ٭
مئالى:
شديد، قوّتلى، قهرمان او دگلدر كه؛ انسنلرى مغلوب ايتسين. بلكه قهرمان اودر كه، غضب و حدّت آننده نفسنى مغلوب ايدر.
١٣ - مَا اَهْدٰى مُسْلِمٌ لِاَ خِيهِ هَدِيَّةً اَفْضَلُ مِنْ كَلِمَةِ حِكْمَةٍ يَزِيدِهُ هُدًى وَ يَرُدُّهُ بِهَا عَنْهُ رِدًى ٭
مئالى:
بر مسلمانڭ بر مسلمان قارداشنه ويرهجگى، اونڭ هدايتنى آرتديران و اونڭله اوندن كوتولگى قالديران بر حكمتلى سوزدن داها أفضل بر هديه يوقدر.
— 234 —
١٤ - مَا بَيْنَ خَلْقِ اٰدَمَ اِلٰى قِيَامِ السَّاعَةِ اَمْرٌ اَكْبَرَ مِنَ الدَّجّالِ (٭)
(٭) اسلامده بر روايتده اوچ دجّال گلجك، بر روايتده دجّل وظيفسنى گورن يگرمى يدى دجّال.
سعيد النورسى
مئالى:
خلقِ آدمدن (عص) تا قيامته قدر عالمِ انسانيت آراسنده دجّال حادثهسندن داها بيوك بر أمر، بر مسئله يوقدر.
١٥ - مَنْ اَتَاهُ الْمَوْتُ وَ هُوَ يَطْلُبُ الْعِلْمَ كَانَ بَيْنَهُ وَ بَيْنَ الْاَنْبِيَاءِ دَرَجَةٌ ٭
مئالى:
بر علم طلبسى، علمى تحصيل ايدركن أجلى گلسه وفات ايتسه؛ اونڭ درجهسى ايله، انبيا درجهسى آراسنده، بر درجه (پيغمبرلك مرتبهسى) قالير.
١٦ - مَنْ تَعَلَّمَ بَابًا مِنَ الْعِلْمِ (اى مِنَ الْعِلْمِ الْاِيمَانِىِّ وَ التَّحْقِيقِىِّ) عَمِلَ بِهِ اَوْ لَمْ يَعْمَلْ بِهِ كَانَ اَفْضَلُ مِنْ
— 235 —
صَلَاةِ اَلْفَ رَكْعَةٍ. فَاِنْ هُوَ عَمِلَ بِهِ اَوْ عَلَّمَهُ كَانَ لَهُ ثَوَابُهُ وَ ثَوَابُ مَنْ يَعْمَلُ بِهِ اِلٰى يَوْمِ الْقِيَامَةِ ٭
مئالى:
كيم كه علمدن (يعنى علمِ ايمانى و تحقيقيدن) بر باب (بر مسئله) تعلّم ايدرسه، اونڭله عمل ايتسين ايتمهسين، بيڭ ركعت (نافله) نمازدن أفضلدر. اگر (اوگرنمكله برابر) عمل ده ايدرسه، ياخود اونى باشقهسنه اوگرهتيرسه، او زمان تا قيامته قدر اونك او (بيوك) ثوابى و اونڭله عمل ايدنڭ ثوابى اونڭ الولاجقدر.
١٧ - مَنْ طَلَبَ بَابًا مِنَ الْعِلْمِ لِيُحْيِى بِهِ الْاِسْلَامَ كَانَ بَيْنَهُ وَ بَيْنَ الْاَنْبِيَاءِ دَرَجَةٌ ٭
مئالى:
كيم كه اسلامى احيا ايتمك نيّتيله علمدن بر باب تحصيل ايدرسه، اونڭ درجهسيله پيغمبرلرڭ درجهسى آراسنده يالڭز بر درجه قالمش اولور.
١٨ - لَا يَجْتَمِعُ اَرْبَعَةٌ فِى الْمُؤْمِنِ اِلَّا اَوْجَبَ اللّٰهُ بِهِنَّ الْجَنَّةَ: اَلصِّدْقُ فِى اللِّسَانِ وَ السَّخَاءُ فِى الْمَالِ وَ الْمَوَدَّةُ فِى
— 236 —
الْقَلْبِ وَ النَّصِيحَةُ فَى الْمَشْهَدِ وَ الْمَغِيبِ ٭
مئالى:
بر مؤمنده درت شى (درت أخلاق) اجتماع ايتگى زمان، جناب حق (او درت أخلاق ايله) اوڭا جنتى واجب ايتمش اولور:
١-لسانده صدق، طوغريلق (يعنى يالان سويلهمهمك)
٢-مالده سخا، جومردلك
٣-قلبده مودّت
٤-حاضرده و غائبده اولانلره نصيحت ايتمك.
١٩ - يَكُونُ فِى اَحَدِ الْكَاهِنِينَ رَجُلٌ يُدَرِّسُ الْقُرْاٰنَ (يعنى يُدَرِّسُ حَقِيقَةَ الْقُرْاٰن) دِرَاسَةً لَا يُدَرِّسُهَا اَحَدٌ يَكُونُ بَعْدَهُ ٭
مئالى:
كاهنلردن (٭) بريسى (بر آدم) گلهجك،
(٭) حديثڭ متننده كى (كاهن)دن مراد -اللّٰه اعلم- الهامه مظهر، غيبى اُمورى وياخود گيزلى قالمش سرائرى وياخود مستور اولان حقائقِ قراٰنيهيى الهامِ الهى ايله درس ويرهجك بريسى ديمكدر. بو ايسه غيبى و استقبالى بر اشارت و بر اخبارِ نبويدر.
عبد القدر بادللى
— 237 —
قرآنى (قرآنڭ حقيقتلرينى) اويله بر طرزده درس ويرهجكدر كه، اوندن صوڭره اونڭ گبى او درس و تعليمى ويرن اولميهجق.
٢٠ - اِذَا جَاءَ الْمَوْتُ لِطَالِبِ الْعِلْمِ وَ هُوَ عَلٰى هٰذِهِ الْحَالَةِ مَاتَ وَ هُوَ شَهِيدٌ ٭
مئالى:
بر علم طلبهسى، علمى تحصيل ايتمكده اكن وفات ايتسه، شهيددر.
٢١ - اَفْضَلُ الْعِلْمِ اَلْعِلْمُ بِاللّٰهِ (اى الْاِيمَانِىّ) قَلِيلُ الْعَمَلِ يَنْفَعُ مَعَ الْعِلْمِ وَ كَثِيرُ الْعَمَلِ لَا يَنْفَعُ مَعَ الْجَهْلِ ٭
مئالى:
علمڭ افضلى علمِ باللّٰهدر (يعنى، ايمان علميدر). بو علم ايله آز اولان عمل، (علم ايله اولديغى ايچن) منفعت ويرر. فقط چوق عمل، جهل ايله السه منفعتسزدر.
— 238 —
٢٢ - اَكْرِمُوا حَمَلَةَ الْقُرْاٰنِ ٭
مئالى:
قرآنڭ حملهلرينه اكرام، حرمت ايديڭز. (قرآنڭ حملهلرى، يا قرآنى حافظ اولانلردر وياخود قرآنڭ حقيقتلرينى ياشايانلردر.)
٢٣ - اَكْرِمُوا الْعُلَمَاءَ فَاِنَّهُمْ وَرَثَةُ الْاَنْبِيَاءِ ٭
مئالى:
علمايه (حرمت اديڭز) إكرام ايديڭز. چونكه علما، پيغمبرلرڭ وارثلريدر.
٢٤ - اِنَّ اللّٰهَ عَزَّ وَ جَلَّ لَيَبْتَلِىَ الْعَبْدَ الْمُؤْمِنَ وَمَا يَبْتَلِيَهُ اِلَّا لِكَرَامَتِهِ عَلَيْهِ ٭
مئالى:
جناب اللّٰه عزّ و جلّ مؤمن قولنى تجربه و امتحان ايچون مصيبته، بلايه گرفتار ايدر. فقط اونڭ بو ابتلا و دنهمهسى، او مؤمن قولڭ اوستنده كرامت و إكرامنى إظهار ايچوندر.
— 239 —
٢٥ - اِنَّ السَّعِيدَ لَمَنْ جُنِّبَ الْفِتَنَ وَ لَمَنِ ابْتُلِىَ فَصَبَرَ فَوَاهًا ثُمَّ وَاهًا ٭
مئالى:
سعيد، فتنهلردن اوزاق قالينمش كيمسه و مصيبت و فتنهيه گرفتار الديغى حالده صبر ايدن كيشيدر. بويلهسى آدم ايسه چوق غريب، پك نادردر.
٢٦ - اِنَّ الْفِتْنَةَ تَجِىءُ فَتَنْسِفُ الْعِبَادَ نَسْفًا وَ يَنْجُو الْعَالِمُ عَنْهَا ٭
مئالى:
محقّق فتنه گلمكدهدر. عبادى (انسانلرى) پارچه پارچه ايدهجكدر. آنجق عالملر اوندن قورتولورلر.
٢٧ - اِنَّهُ سَيُصِيبُ فِى اٰخِرِ الزَّمَانِ بَلَاءٌ شَدِيدٌ وَ لَا يَنْجُو مِنْهُ اِلَّا رَجُلٌ عَرِفَ دِينَ اللّٰهِ فَجَاهَدَ عَلَيْهِ بِلِسَانِهِ وَ قَلْبِهِ فَذٰلِكَ الَّذِى سَبَقَتْ لَهُ السَّوَابِقُ ٭
مئالى:
آخر زمانده شدّتلى و دهشتلى بر بلا گلهجك، هركسه اصابت ايدهجك. اوندن قورتولان اولماز. آنجق اللّٰهڭ ديننى بيلن و اوڭا گوره لسانيله و قلبيله مجاهده ايدن بر آدم قرتولاجق. او ايسه، اوڭا سابقلرڭ، گچمشلرڭ مسلگى سبقت ايتمشدر. بر ده اللّٰهڭ ديننى بيلوب تصديق ايدن بريسى قورتولاجق.
— 240 —
٢٨ - اَنَا اَجْوَدُ وَلَدِ آدَمَ وَ اَجْوَدُهُمْ مِنْ بَعْدِى رَجُلٌ عَلِمَ عِلْمًا فَنَشَرَ عِلْمَهُ يُبْعَثُ يَوْمَ الْقِيَامَةِ اُمَّةً وَحْدَهُ ٭
مئالى:
بنى آدمڭ اڭ جومردى و اڭ كريمى و اڭ سخيسى بنم. بندن صوڭره اونلرڭ اڭ كريمى و اڭ جوّادى ايسه بر رجل (بر آدم) كه؛ او آدم (خصوصى) بر علم بيلهجك و او علمنى نشر ايدهجكدر. قيامت گوننده مستقل بر امت حالنده بعث اولوناجقدر.
٢٩ - اَلَا مَنْ تَعَلَّمَ الْقُرْاٰنَ وَ عَلَّمَهُ وَ عَلَّمَ مَا فِيهِ فَاَنَا لَهُ سَائِقٌ وَ دَلِيلٌ اِلَى الْجَنَّةِ ٭
مئالى:
قراٰنى اگرهنن و اگرهتن و ايچندهكى حقائقنى درس ويرنلر بيلمش اولسونلر كه، (قيامت گوننده) اونلرڭ جنته گيرملرينه سائق و دليل بن اولاجغم.
٣٠ - اِيَّاكُمْ وَ الْبِدَعُ فَاِنَّ كُلَّ بِدْعَةٍ ضَلَالَةٌ وَ كُلُّ ضَلَالَةٍ تَصِيرُ اِلَى النَّارِ ٭
مئالى:
صاقين بدعتلره ياناشمايڭز. چونكه بتون بدعتلر ضلالتد، بتون ضلالتلر ده جهنّمه گيدر.
— 241 —
٣١ - لَيْسَ مِنَّا مَنْ تَشَبَّهَ بِغَيْرِنَا، لَا تَشَبَّهُوا بِالْيَهُودِ وَ لَا بِالنَّصَارٰى ٭
مئالى:
بزدن غيريسنه كندينى بڭزهتن، بزدن دگلدر. صاقين يهودى و خرستيانلره كنديڭزى بڭزتمهيڭز.
٣٢ - اَفْضَلُ الْجِهَادِ كَلِمَةُ حَقٍّ عِنْدَ سُلْطَانٍ جَائِرٍ ٭
مئالى:
جهادڭ اڭ افضلى اودر كه؛ أگرى يولده اولوب حقّه قارشى ممانعت گوسترن اڭ جبّار حكمدارلره، قوماندانلره قارشى حق سوز سويلهمكدر.
٣٣ - اَفْضَلُ الْجِهَادِ اَنْ يُجَاهِدَ الرَّجُلُ نَفْسَهُ وَ هَوَاهُ ٭
مئالى:
جهادڭ اڭ فضيلتليسى، كيشينڭ كندى نفس و هواسنه قارشى مجاهده ايتمهسيدر.
٭٭٭
— 242 —
فهرست
يگرمى طوقوزنخى لمعه ... ٥
يگرمى طوقوزنخى لمعه - برنجى باب ... ٨
يگرمى طوقوزنخى لمعه - ايكنجى باب ... ٢٠
يگرمى طوقوزنخى لمعه - اوچونجى باب ... ٣٥
يگرمى طوقوزنخى لمعه - دردنجى باب ... ٦٣
يگرمى طوقوزنخى لمعه - بشنجى باب ... ٧٩
يگرمى طوقوزنخى لمعه - آلتنجى باب ... ٩٥
يگرمى طوقوزنخى لمعه - يدنجى باب ... ١٠٧
الحزب الاكبر النّرى ... ١١٧
عربى مناجاة رسالهسى ... ١٥٧
عربى الحجة الزهراء رسالهسى ... ١٦٩
الحزب المثنوى العربى ... ١٩٥
اوتز اوچ أحاديثِ شريفه ... ٢٢٧
٭ ٭ ٭